Paylaş

Kishi Magazine  avtomobil loqolarının daşıdığı mənaları təqdim edir:

Üçdənəli paxlava şəkli samuray emblemindən ilhamlanıb. Mitsubishi şirkətini yaradan iki yapon ailəsinin istehsal etdikləri avtomobildəki emblem məsuliyyət şüurunu, centmenliyi və cəmiyyətlər arasında uyğunlaşma mənasını verir.

“Audi” emblemində olan 4 halqa avtomobil birliyi üçün ittifaq quran 4 firma mənasındadır. Şirkətə “Audi” adı isə firmanın rəhbərlərindən olan mühəndis August Horch tərəfindən verilib.


Yapon şirkətinin qurucusu olan Kirchiro Toyoda 1937-ci ildə 3 ellips formalı güclü marka emblemini meydana gətirdi. Emblemdə olan ellipslər avtomobil ilə müştərisi arasındakı komanda ruhunu və müasirliyi təmsil edir.


İlk əvvəllər mişar və mişar məhsulları istehsal edən Peugeot məhsullarını “Aslan kimi güclü” lozunqu ilə satırdı. Daha sonra avtomobil istehsal edərəkən aslanı öz emblemləri olaraq qəbul etdilər.

 


Daimler Chrysler ilə müştərək çalışaraq avtomobil istehsal edən Carl Benz avtomobilə ad tapa bilməyincə bircə qızı olan Mercedes Benzin adını bu avtomobilə verir. Mercedes emblemində olan 3 ayaqlı ulduz isə “Mercedes-Benz”in quruda, suda və havada gücünü ifadə edir.


İtaliyada qraf ailəsinin 1923-cü ildə firma rəhbəri Enzo Ferrariyə hədiyyə etdiyi at heykəli Ferrari şirkətinin sonralar embleminə çevrildi. Emblemdə olan sarı və qırmızı rənglər qonşu şəhər olan Modenanın və yarışa olan sevginin təzahürüdür.

Bu ad şirkət qurucusu Henry Forddan götürülüb. Mavi tablo üzərində gözəl dizaynlı hərflə yazılan “Ford”un nostalji keçmişi var. 1903-cü ildən bu yana istifadə olunan Ford emblemində bir müddət Köln kilsəsinin siluetindən də istifadə olunub.


Subarunun emblemində olan ulduzlar 6 yapon avtomobil istehsalçısının birləşərək bir avtomobil istehsal etdikləri mənasını verir.


Volvo avtomobillərini İsveç poladını simvollaşdıran dairə və ox bəzəyir. Bu emblemin poladdan olması Volvo modellərininin möhkəm olması mənasını verir.


“Vw” emblemi Porsche mühəndisi Franz Xaver tərəfindən təklif olunub. 1948-ci ildən avtomobillərdə istifadə olunan bu emblemin mənası Almaniyanın Wolfsburg şəhərini təmsil etdiyi mənasını verir.


Dairənin içərisinə yazılmış “Nissan” adı qlobal güc və dünya səviyyəsində məşhurluq mənasını verir.


Adam Opelin qurduğu firma ilk əvvələr tikiş maşını istehsal edirmiş. 1899-cu ildən avtomobil istehsal edən şirkətin emblemində təkər və içində şimşək təsvir olunur ki, təkər etibarlılığı, şimşək isə sürət mənasını verir.

 


BMW-nin emblemindəki mavi və ağ rənglərin mənasının məşhur Bavariyadan gəldiyi bildirilir. Bavariyada yerləşən şirkət 1929-cu ildən təyyarə və motor istehsalı ilə məşğul olan BMW emblemdəki dairəyə uyğun təkərlər üçün fırlanan pərvanə fiquru yaradır. Daha sonra araba istehsalına başlayan BMW şirkəti istehsal etdiyi avtomobillərində də eyni emblemdən istifadə etdi.

 Porsche emblemindəki qara at Almanyanın Ştutqart şəhərinin gerbindən götürülüb. Maral buynuzu ilə qırmızı-qara rənglər isə Almaniyanın Württemberg bölgəsinin gerbidir.

Publika.az