Paylaş

Bu gün Azərbaycanda 1500-dən çox hemofiliyalı xəstənin 22,5 faizi 1-15 yaşlı uşaqlardır.

Bu barədə müsahibə verən Hemofiliyalı Xəstələrin Respublika Assosasiyası İctimai Birliyinin sədri Gülnarə Hüseynova bildirib ki, hemofiliya ömürlük xəstəlikdir:

“Hemofiliya irsi qan xəstəliyidir. Qanda laxtalanma faktorunun pozulması nəticəsində yaranır. Qanın laxtalanma prosesində 13 faktor iştirak edir. Bu faktorlardan əsasən 8, 9, 11, 7 və 5-ci faktor olmayanda qanda laxtalanda prosesi dayanır. Qanda tromb əmələ gəlməyəndə, bu qanaxmalarla və qansızmalarla müşahidə olunur.  Bizim uşaqlar anadangəlmə, irsi qan xastəliyindən əziyyət çəkirlər. Qan laxtalanmadığı zaman oynaqdaxili və daxili qanaxmalar olur. Hər hansı travmadan, mexaniki zədədən kəsik yaransa, zədə olsa şiddətli qanaxmalarla nəticələnə bilər.

Qanda iştirak edən zülallar laxtalanmanı təmin edirlər. Bu faktorların olmaması Hemofiliya ilə nəticələnir. Hemofiliya ömürlük xəstəlikdir. Birdəfəlik müalicəsi yoxdur. Dərman preporatları vasitəsilə çatışmayan faktorlar bərpa edilir. Bu preporatlar olmasa, qanda zülalları əvəz edən vasitə olmadığı üçün pis nəticələnə bilər. Dərman preparatlarını istifadə etsələr rahat həyat sürə bilirlər. Bu, 24 saat ərzində baş verən prosesdir və bu müddət ərzində insan öz sağlam həyat tərzini yaşayır.

Hemofiliyalı xəstələr 3 qrupa bölünür: ağır formalı, orta yüngül və yüngül formalı hemofiliyalar. Əsasən ağır formalı hemofiliyali xəstələrə tez-tez bu faktor konsentrantlarından istifadə etmək vacibdir. Orta yüngül və yüngül formalı xəstələrə gündəlik istifadə etmək lazım olmur. Həftədə 2 və 3 dəfə istifadə edirlər. Yüngül formalı hemofiliyalılar ən ağır zədədə, yəni cərrahiyyə əməliyyatında özünü büruzə verir. Lakin ağır formalı xəstələrə gündəlik preporat qəbulu vacibdir”.

Gülnarə Hüseynova həmçinin bildirib ki, Talessimiya və Hemofiliya xəstəliyi ayrı-ayrı xəstəliklərdir:

“Bu yoluxucu xəstəlik deyil, irsi genetik xəstəlikdir. Son vaxtlar nikahdan öncə müayinələr aparılır. Müayinələr zamanı əsasən qan və virus  xəstəlikləri yoxlanılır. Lakin Hemofiliya xəstəliyin yoxlanılması aparılmır. Talessimiya və Hemofiliya xəstəliyi ayrı-ayrı xəstəliklərdir. İkisi də genetikdir amma, təmamilə ayrı fəsadlarla nəticələnən xəstəliklərdir. Gənclər arasında belə bir çaşqınlıq yaranır ki, Talessimiya və Hemofiliya xəstəliyi eynidir. Lakin bu belə deyil. Azərbaycanda Hemofiliya xəstəliyini qanda genetik səviyyədə yoxlamaq imkanı yoxdur. Biz ümid edirik ki, yaxın zamanlarda Azərbaycanda da hemofiliya xəstəliyini qanda genetik səviyyədə yoxlamaq mümkün olar və hemofiliyalı uşaqların dünyaya gəlməsi qarşısının alınması üçün tədbirlər görüləcək”.

GSR.fm