Paylaş

Hər insanın ya ayaqlarında, ya boynunda, ya da kürəyində ağrı olur. Bu ağrıları yox etmək üçün problemin üzərinə getmək və idman etmək lazımdır. Bəlkə də indi idman etməyə həvəsiniz olmaya bilər, ancaq irəli yaşlarda bu ağrıların ciddi sağlıq problemlərinə yol açacağını düşünmək lazımdır.

Ağrılarınızın böyük qismi onurğanızdakı qüsurlardan qaynaqlanır. Elastik bir onurğa və güclü əzələlər ciddi bel və ya boyun problemlərinin qarşısını almaq üçün çox əhəmiyyətlidir.

Bel, boyun, çiyin, kürək, ayaq ağrılarının səbəbi kompüter önündə keçirilən uzun saatlar,  hərəkətsizlik və stressli həyatdır. Bu halda hər birimizin əl atdığı ən asan yol da ağrıkəsicilərdir.

Kishi.az aile.lent.az-a istinadən sizə ağrıkəsicilərə ehtiyac qalmadan tez zamanda orqanizminizdəki narahatlıqlardan qurtulacağınız bir neçə msələhət təqdim edir.

Gün boyu hərəkət fürsətlərini dəyərləndirin. Hər nə qədər kompüter qarşısında hərəkətsiz oturduğunuzu düşünsəniz də, gün ərzində əzələləriniz aktivdir. Necə?

Oturacağa oturub qalxmaq, pilləkən enib çıxmaq, tualetə qədər getmək, sənədləri axtarmaq, götürməklə əzələləriniz az da olsa, aktiv halda olur.

Ancaq idman etmək mütləqdir. İdman etməsəniz, əzələlər tənbəlləşib zəifləyə bilər. Əzələ, oynaqlarda ağrılar başlayar.

Kürək ağrıları üçün: Kürək ağrıları üçün xüsusi idman etmənizə vaxt yoxdursa,  özünüzə iki ədəd dolu su şüşəsi götürün. Oturaq halda 3 bölmədə, hər dəfəsində 20 dəfə etməklə bunlarla ağırlıq qaldırın.

Boyun əzələləri üçün: Əlinizdəki bu ağırlıqlar ilə qolları yana açma hərəkətini 3 bölmə, hər dəfəsində 15 dəfə təkrarlayın. Çiyinləriniz qüvvətlənəcək.

Bel əzələləri üçün: Bel ağrıları da çox yaşanan problemlərdən biridir. Elastik, güclü bel əzələləri üçün arxası üstə uzanın, dizlərinizi bükülü şəkildə özünüzə çəkin və 20 saniyə belə tutun. 3 dəfə edin. Üzüstə uzanıb tərs qol, tərs ayaq qaldırma (sol qolla sağ ayaq, sağ qolla sol ayaq qaldırma) hərəkətini 3 bölmə və 20 dəfə təkrarlayın.

Onurğa üçün. Onurğanın üst və alt elastikliyini artırmaq üçün əlləriniz və dizləriniz üzərində yerə uzanın. Əvvəl qollarınızın üzərində 20 saniyə sonra dizlərinizin üzərində 20 saniyə pişiklər etdiyi kimi gərnəşin. Hərəkəti 3 dəfə edin.

Qarın əzələləri üçün. Kürəyi üstə yatın, ayaqlarınızı qarnınıza doğru toplayın. Omba qismini yuxarı itələyin və 10 saniyə elə qalın.